Semangatnews-Seperti hari biasa sore hari lapau Uwan selalu ramai, sehabis sholat Asyar dan sebahagian masyarakat cari dan dengar informasi sehabis seharian di ladang dan di sawah. Dan saat itu Uwan juga baru saja pulang dari kerja di ladang dan sawah.
Uwan: Roih sabana rancak nan tumbuah di parak kito kini. Parak jaguang lah mulai ba bungo, sawah aia sambuah. Mudah -mudahan sajo hujan labek beberapa hari ini tidak berlebihan.
Si Roih: Iyo Uwan, mudah-mudah kampuang wak tetap aman dan tidak terjadi apa-apa. Dunsanak awak nan dikampuang go kan lai indak ado nan manabang kayu lai.
Uwan: Mudah-mudahan sajo, wa den ka mandi sacah lu, buekan kopi hangek ciek Roih..
Mendadak juga menyahut Sati dan Mangkuto yang baru saja sampai di lapau Uwan sore itu.
Sati: Ambo Kopi lo Uni Roih..
Mangkuto: Ambo Teh sajo Roih..
Si Roih: eee ado Sati Jo Mak Mangkuto, Lah gak jarang Mak Mangkuto ka Lapau Uwan ko ?!
Mangkuto: Dek parasaian hiduik juo mah Roih…
Malin: Marasai ba a pulo Mangkuto lah sagagah ko bantuak segeh bana kini..??!
Mangkuto: eee.. Malin.. Tampak di lahia sajo Malin.. Hehhee..
Sati: Mak Mangkuto bantuak manyuruakan kuku… Kok ado karajo nan bisa dibagi ajak-ajak juo lah awak buliah batambah barazaki juo mak.
Mangkuto: Sati buliah sajo, kan kito samo-samo mancari kok Sati, Malin jo Uwan ka ladang jo ba sawah. Kok ambo usaho ketek-ketek ma muta masin cetak. Bakureh juo mancari razaki..
Malin: Mangkuto beda sangaiklah, kami ka sawah jo ka ladang lah panen baru baruo juo pitih. Kok dek Mangkuto pitih nan ba puta datang satiok hari.
Mangkuto: kok pitih bana nan balegga dakek ambo indak serta merta, pitih nan ado punyo ambo ado juo kalua no, mambali bahan, upah urang karajo dan satiok karajo adolo pajaknyo. Tapi kok nampak pitih iyo… Hehehehe..
Saba sajo Malin jo Sati nan minum sore bialah ambo nan manyalasaikan. lah sanang dihati Malin jo Sati tu.. Hehee hihii…
Sati: iyo Malin acok-acok sajo mode iko rami juo kadai Uwan ko mah.. Hahahaahhahaa…
Kari: Assalamualaikum sanak sado nyo..
Malin, Mangkuto, Sati: Waalaikumsalam..
Malin: Pak Kari.. lah sore ko masih ba pakaian dinas juo lai.. ASN teladan bana..
Kari: Malin ado-ado sajo, kok teladan tantu ado penghargaanyo. Iko dek manjalang sampai ka rumah, tampak Mangkuto, Malin jo Sati ceria bana kini. Raso ta tingga lo ambo indak sato.. Hehehehe..
Uwan mendadak keluar, lah segeh sudah mandi: Kari ba ka kini..?
Kari: Alhamdulillah sehat Uwan itu nan partamo, kaduo Salamaik Tahun 2019 kapado dunsanak nan ado dilapau Uwan. Semoga saja di tahun baru iko makin ba razaki dan dijauhkan oleh Allah Subhanahu Wa Ta’alla dari bencana dan malapetaka Aamiin.
Uwan: Aamiin. Tahun 2019 ko tahun politik mah Kari, ado pemilu serentak, pemilihan legislatif, DPRD Kabupaten dan Kota, DPRD Provinsi, DPR RI, DPD dan Pemilihan Presiden.
Kari: Batua Uwan, tahun ini momen penting bagi setiap masyarakat dan seluruh rakyat Indonesia menentukan pilihan, memilih dan dipilih untuk kelangsungan kehidupan berbangsa dan bernegara. Moga-moga semua ini dapat berjalan dengan aman, tertib dan lancar serta Indonesia dijauhi dari perpecahan. Boleh beda pilihan tapi satu tujuan untuk kejayaan Indonesia dan untuk mewujudkan kesejahteraan rakyat.
Uwan, Malin, Sati, Mangkuto : Aamiin.!
Kari: Roih, kopi paik tu lah ciek. Ma katan jo goreng nyo Uwan..?!
Uwan: Sabanta Kari..! Roih baoklah sado nan lah masak du.. Buliah ba salero pulo di sore hari ko.. Dunsana lapau Uwan… Hehehee..
Si Roih: Jadi Uwan.. Sabanta lai..
Uwan: Kabanyo Mangkuto ikuik salah satu partai..?
Sati: Ambo mendukung sekali tu Mak Mangkuto..! Ba dek Mak Malin ..?
Malin: Iyo…! Rancaklah buliah ado pulo perwakilan lapau Uwan di DPRD tu..
Mangkuto: Uwan, Sati Jo Malin, awalnya memang ado nan ma ajak. Tapi setelah ambo pikia-pikia bana mungkin alun masonyo dek ambo lai, ba usaho alun kuek indak bisa diajankan tuah untuk ikuik, bisa habih usaho ko itu nan partamo. Nan kaduo ambo caliak aturan Komisi Pemilihan Umum (KPU) sabana ketat, indak bisa jo pitih banyak sajo, tanpa ado kito dikenal masyarakat, itu nan alun ado dek ambo lai.. Bilo dipaturuikan bisa sansai badan!
Malin: Mangkuto batua itu..! Ba kiro-kiro itu paralu sangaik.. Jan mode kini urang banyak ikuik pileg.. !? Bantuak melamar pekerjaan sajo… Beko pitih habih awak indak duduk doh? Lah ba tambah pulo urang ka rumah sakik gaduik..!
Sati: Itu lai ka rumah sakik mah mak Malin, iko ado pulo nan bunuah diri dek kalah pileg..!
(bersambung)
