Ciloteh Lapau Uwan (5) “ Warisan Budaya Dunia”

by -

SEMANGAT MINANG – Pembangunan sebuah kota telah memberikan perubahan dalam penataan kota, sesuai kebutuhan dan aspirasi masyakat untuk menikmati kotanya lebih baik, bersih, tertib dan tentram.  Tapi kadang pembangunan itu sendiri juga mengorbankan lokasi-lokasi yang lama diganti dengan gedung baru dan merobohkan gedung wajah lama. Kehendak investor menjadi sebuah yang amat penting untuk diperhatian.

Hal ini menjadi pemikiran yang mendalam bagi sosok Uwan. Hari itu Uwan kelihatan agak gelisah hati, kadang melihat jauh, kadang tercengung sendiri.  Sudah beberapa kali ia hilir mudik saja didepan kedainya, itu semua diperhatian Malin yang barusan lewat habis sholat Asyar di Surau Buya Alim.

Malin : Assalamualaikum Uwan.. !

Uwan : Ee… e.. ?! W aalaikumsalam …  Oh .. Malin ?

Malin : Uwan lah dari tadi ambo paratian, agak rusuah bantuak Uwan hari ini ? ado apo  Uwan

Uwan : In… ndak . .. ! ado apo- apo Malin !

Tiba-tiba Kari Bandaro datang menyapa, sambil terus mencari tempa duduk di dalam kedai tersebut

Kari  Bandaro : Assalamualaikum .. !

Malin / Uwan : Waalaikumsalam .. !

Kari Bandaro  : Sore … Uwan.. Sore Malin.. baa kaba lai sehat-sehat sajo. Uwan mintalah kopi steng, buliah agak ta buka pangana ko ?

Uwan : Jadi Kari.. ! Malin minum apo ?

Malin : Uwan nan kurang sehaik kini Kari.. !? , ambo teh angek sajo Uwan ..

Kari Bandaro : Ada apo  Uwan.. ?

Sutan Sati : Ambo kopi lo Uwan .. !  ( Celetuk Sutan Sati baru saja datang )

Uwan : Eee.. Sutan Sati … rami kadai hehee.. rancak bana.. . Kari ambo yo agak rusuak bangunan lamo kito peninggalan sejarah, kini lah banyak sajo di habihkan baganti jo bangunan baru .. Takuik ambo jikok sado sagalo bangunan lamo di habihkan ..? lai indak ka batuka budaya nan ado kini… tu ?!

Sutan Sati : Dima Uwan tahu banyak bangunan tuo dan dihabihkan.. ? setahu ambo kan indah gait u doh ,  a juo lai bangunan lamo indak ka ado untungnyo doh.. nyak gampo beko runtuah bangunan tuo mah dek lah abih lo daya tahan nyo, tajadi lo korban.. uufh

Uwan : Sutan Sati ..!! wak den rusuah dek takuik ka hilang , nan dek Sutan Sati indak ba se… ba tea ko mah…. !

Sutan Sati : Apo pulo nan ka Uwan rusuahkan rancak lah bangunan baru , barasiah modern aman pulo tampek tingga, jikok ta jadi gampo tantu indak kekwatiran itu agak kurang… ! Uwan.. Uwan..  ( agak angek Sutan Sati dek emosi Uwan, Uwan paneh pulo lah disesengkan pulo langan baju ..)

Malin : Sutan Sati ..jan mangareh indak tantu sajo, awak mudo jan mudah talonsong..Uwan tu lah rusuah dari tadi siang ..! kito danga dahulu apo nan Uwan sadang pikiakan.. ( Malin bakato ba paham, Sutan Sati diam, Uwan pun diam )

Kari Bandaro : Uwan ..! nan dirusuhkan itu kini lah ado aturan yang harus dipedomani oleh setiap kepala daerah dan investor dalam pelaksanaan pembangunan sebuah kota.  Undang-Undang Nomor 11 Tahun 2010 tentang Cagar Budaya.  Dalam UU itu ditulih ado  pelestarian, perlindungan dan pemanfaatan, jadi Uwan jan rusuah bana soal bangunan tuo itu.

Uwan : Ado aturanyo Kari..!!

Kari Bandaro : iyo Uwan.  Karano cagar budaya itu punyo arti penting bagi masyarakat dunia. Uwan kito ko indak iduik surang sajo doh. Ado syarat benda, bangunan, atau struktur dapat diusulkan sebagai Benda Cagar Budaya.  Bangunan Cagar Budaya, atau Struktur Cagar Budaya apabila memenuhi kriteria: Partamo berusia 50 (lima puluh) tahun atau lebih, kaduo mewakili masa gaya paling singkat berusia 50 (lima puluh) tahun,  katigo memiliki arti khusus bagi sejarah, ilmu pengetahuan, pendidikan, agama, dan/atau kebudayaan, dan ka ampek memiliki nilai budaya bagi penguatan kepribadian bangsa.

Kan soal nilai budaya ko nan Uwan rusuahkan, hilang bangunan kok hilang pulo budaya kito kini ko ?

Uwan : hehehee… Iyo Kari .. ! ba indak karusuah jikok bukti bukti alah hilang ba pulo nan generasi mudo ko picayo jo carito-carito budaya lamo lai nan jaleh itu bisa menjadi karakter pribadi anak cucu kito kelak agar tetap berbudaya .

Malin : Kari .. Jadi ba jikok bangunan itu alah rusak dan indak bisa dimanfaatkan lai.. ?

Kari Bandaro : Malin, ta hadok bangunan rusak tantu menjadi tugeh pemerintah untuk mamperbaiki  dengan baiek sarupo jo bantuak nan lamo. Karano bangunan lamo itu  dapek membawo kauntungan ekonomis bagi kemajuan sabuah kota, terutama untuak kunjungan wisata dan bidang pendidikan sebagai kajian ilmu pengetahuan.

Sutan Sati : Rancak juo tu Mak Kari ! patuik lah ambo baco berita Kota Sawahlunto sadang diproses sebagai kota warisan dunia kepada UNESCO. Tantu penilaian itu akan memberikan dampak promosi daerah ndak Mak Kari.. ?!

Kari Bandaro : Batua Sutan Sati .. !

Uwan : UNESCO…. ?!  ko apo ko Sutan Sati, anak sianyo dima tampek tingganyo …

Sutan Sati : Uwan UNESCO kepanjangan dari bahaso inggirih United Nations Educational, Scientific and Cultural Organization, sebuah lembaga dunia nan dapek memberikan penilaian dan kajian tentang cagar budaya salah satu nyo.

Uwan : UNESCO sebuah lembaga nyo .. Sutan Sati …. Heheheeee.. sangko ambo namo urang…

Kebudayaan yaitu sistem pengetahuan yang meliputi sistem ide atau gagasan yang terdapat dalam pikiran manusia, sehingga dalam kehidupan sehari-hari, kebudayaan itu bersifat abstrak. Sedangkan perwujudan kebudayaan adalah benda-benda yang diciptakan oleh manusia sebagai makhluk yang berbudaya, berupa perilaku dan benda-benda yang bersifat nyata, misalnya pola-pola perilaku, bahasa, peralatan hidup, organisasi sosial, religi, seni, dan lain-lain, yang kesemuanya ditujukan untuk membantu manusia dalam melangsungkan kehidupan bermasyarakat.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.