Politik Palupuah Hangek, Bantuak Api Dalam Sakam

0

Carito punyo carito, di Kadai Uwan nan asli urang Lasi Agam, ko hilia mudiak, duduak tagak sajo tan taha nan dipikiakan. Si Roih sajo nan indak mangarati, rusuah tibo ko uwan ko salah ba mimpi malam?!.

Siroih : Uwan…?. eee. .. Uwan duduak lah dulu ??, agak rasah sajo bantuak no…Iroih caliak jak cako?

Uwan : Hmm.. !!, Kau jan sato lo Roih, iko urusan politik kampuang.

Siroih : Kampuang Dima Uwan ..?

Uwan : Kampuang Palupuah..!!. Den kecek ndak usah Kau sato..!

Mancaliak lagak Uwan nan agak kareh hati du, Siroih gaca paruik no pai sajo ka balakang dapur lai, setelah meletakan pisang goreng hangek-hangek jo kopi paik pagi itu.

Tibo-tibo sajo Malin samo Sati , manyapo Uwan dari ka jauhan.

Malin dan Sati : Assalamualaikum Uwan..!

Uwan : Waalaikumsalam..! Ba a kaba Malin..? Sati..? Bantuak sanang bana hati hari ko..?

Malin : Iyolah Uwan, kamj baru dari pasa Palupuh lah rami urang ba jojo? Tapi urang patuik ma matuik sajo? Indak ba jua bali doh..

Uwan : hah.. Indak ba juo bali. ?! Tu apo nan Malin sanangkan hati?

Malin : Uwan ba indak ka sanang hati, lai banyak juo urang Palupuah nan ba minat jadi Calon Anggota Dewan, Caleg kato no.. Ambo caliak ado 16 urang ka lah jadi calon.

Sati : Uwan dek rami tantu pitih akan banyak ba edar di masyarakat Palupuh, ado baju perai, uang saku satiok ado pertemuan, makan minun, tu ba galak-galak ba samo. Sia nan ka duduk tantu urang banyak pitih e..?! Hahha hehhee.. Kini ko Uwan nan indak ba pitih indak bakal bisa jadi.. Satiok usaho butuh modal juo..

Tiba-tiba Uwan memasang wajah angek garangnyo, bangih sangaik bantuak no.

Uwan : Malin…!! Satii..! , awak urang Agam urang baradaik jan suko makan perai, jan dihituang pitih no tapi caliak sikap jo budi pekerti no. Jan lupokan pituah nan tuo-tuo. Bahaso no ka untuak kampuang sajak dahulu no, martabat jo harga diri nomor satu . ” Kok kayo den ka mamintak doh, kok cadiak den ndak ka batanyo doh, ko bagak dek ndak ka malawan doh, sangaik kareh du !, karano urang Agam tagak jo harago diri jo martabat kampuang halaman no “. Ko indak lah ta jua kampuang jo nagari ..?!

Malin jo Sati : Ooooo….!?

Malin : Jadi ba a tu Uwan satantang caleg Palupuah ..?

Uwan : Itu nan wak den sadiahkan sajak cako, tapi ka ba a juo lai.. Urang ko mudah di hasuik sajo tando kito di Palupuah indah kompak.. Di palego urang rami sajo.

Sati : Jan kareh bana Uwan. ! Pamilihan ko giliran nan mudo-mudo nan maju lai, urang tuo usah banyak pikia lai, beko damam pulo..!

Uwan : iko nan indak katuju dek waden nan ketek ka sombongan urang..! Nan tuo ba tuak waden ko, punyo hak suaro nan samo jo Sati mah.. !

Malin : Maaf Uwan, bukan ba itu mukasuik no ?. Semua orang punya hak yang sama dipilih dan memilih, mangko no kito sanang banyak urang kampung awak nan ikuik, tantu tando demokrasi ko bajalan rancak di kampuang ko ? Uwan..

Uwan : Malin itu bana nan waden rusuahkan, lai kah ado beko wakie wak nanti nyo di DPRD Agam du. ? Suaro dunsanak wak indak sa ramie kecamatan lain..? Jikok semua urang Palupuh di pilih dek urang kampuang wak, lah dapek dipastikan indak ado nan ka duduak..! Karano suaro urang labiah banyak pado punyo dunsanak awak..!?

Malin jo Sati : Iyo pulo..!???

Uwan : 16 urang Palupuah jadi Caleg.. Untuak duduak. Mesti kita satukan pilihan pada orang yang patuik jo takah. Patuik dek ilimu jo pemikiran sarato budi pekerti no, Takah dek gagah jo rancak sopan santun dan kepedulian no. Tahu jo adaik, tahu jo agamo dan tahu potensi (kurang jo labiah) nan ado di kampuang nangko.

Sati : Sia kiro-kiro manuruik Uwan…?

Malin : Ba Uwan sia nan ka dipiliah, bia beko ambo sampaikan ka urang rami di kampuang ko..!

Uwan : Malin jo Sati, no lah talinteh, lah tabayang dipangana masing-masiang awak. Nan kini ajak sado alah dunsanak wak di kampuang nan punyo hak suaro untuak datanglah ka TPS, Hari Rabu 17 April 2019 , barikan suaro urang Palupuah agar dapek tampek di DPRD Agam nantinya.

Malin jo Sati : Aamiin .!

Si Roih : Aamiin..!

Malin : Batua juo pikiran Uwan itu, banyak calon tantu banyak pulo kurenahnyo, banyak pulo aka no. Sabanyak nan elok, biaso no jikok ambisi manang nyo halalkan sagalo caro. Caliak kini anok-anok sajo politik biasanyo cerita bebas, kini banyak ba bisiak-bisiak sajo lai. Ba dek Sati ?

Sati : Yo Malin !, Sabana barek..?!. Cando api dalam sakam, anok-anok sajo tapi di dalam ado kobaran api ba a mandapek simpatik suaro untuk manang isuak di Pileg 2019.

Leave a Reply

This site uses Akismet to reduce spam. Learn how your comment data is processed.