Edisi berkurung dirumah (4)
Oleh Tan Ambo
1.Sejak berlakunya karantina diri, Pono dirumah saja. Indak pai kama-kama. Ini nan pertama nan membuat Tek Baya sanang, lakinya diketiaknya terus tiap hari. Maklumlah sejak 8 tahun dibelakang ko mereka dirumah cuma tinggal berdua saja. Pulang pokok. Keempat anak Tek Baya lah punya kehidupan sendiri dan tinggal berjauhan jo Tek Baya.
2.Kebiasaan Pono nan teralah. Sudah sumbayang Isya jo makan malam Pono lah terbang ngiang. Pai ke lepau Mak Laba. Main domino jo kawan-kawannya. Bertanggang sampai tengah malam. Takah itu terus indak ada hentinya. Walau lah bersikakeh batuknya namun pai berdomino itu tetap juga. Bacan Tek Baya menegahnya, indak amuh ju berhenti. Kini kebiasaan itu indak ada lagi.
3.Tapi berkungkungnya Pono dirumah tiap hari menambah kerja Tek Baya. B a ke indak. Ada-ada saja nan disuruh-buatkan Pono. Kadang-kadang minta bubur kampiun, goreng pisang raja jo katan, nan pinukut bagailah.
Untuk kesamba kelia jaring jo goreng petai pakai badar mencandu benar dek Pono.Pangat pedas atau gulai kepala lauk tu pesanan Pono kalau hari Jum’at. Sesekali disela jo dendeng bertokok.
Kalau untuk sayur kesukaan Pono cah pucuk lalidis, gulai paku atau gulai rebung. Anyang pucuk kelikis jo samba lada tanak ada juga diminta Pono. Sedang untuk digetok-getok sambil menonton tivi perlu ada kacang tojin kalau indak rakit kacang atau rakit maca. Selain tu sambuh alah lai kendak Pono.
4.Walau kendak lakinya sekambut buruk, tetap dibuatkan Tek Baya. Nan membuat Tek Baya senang karena apa nan dibuatnya itu habis disungkahan Pono. Pono seleranya Indak memantang. Ciek lagi kelebihan Pono inya pandai mengambil hati Tek Baya.
Pernah ketika membuat kolak kurang manis, Tek Baya menyampaikan kelakinya : “Ndeeeh da Pon…takurang sakanya kolak, ba a lai tu…”kecek Tek Baya. “Indak ba a doh…manih na diabet lo awak dek e…” jawek Pono.
Dikesempatan lain Gulai Pangat Ikan tertoyong garam dek Tek Baya. “Maaf yo da Pon, gulai asin bana, tadi garamnyo tabanyak …” Dijawab dek Pono… “Haa indak ba a di uda doh, garam ko sasakali ubek juo mah, rancak untuak kesehatan…” keceknya menyenangkan Tek Baya.
Dan ketika Tek Baya membuat ondeh-ondeh lupa meagih garam, ke Tek Baya nan merasa bersalah Pono menghiburnya : “Uda….ondeh-ondeh takah ko nan suko na uda, bagaram tu hilang manih intinyo….”
Mendengar jawaban-jawaban nan model begitu, sangat senang benar hati Tek Baya. Kan ada orang alun dima-dima alah meraba kebininya.
5.Pono urangnya panjang akal.Cadik. Menurutnya indak ada salahnya menyenangkan hati bini, asal perut kenyang kendak lepas. Pono Geladir. Cara saya kebini benar ditirunya….
Cikeas, hari ke 12 berkurung dirumah. Edisi yad. TEK BAYA PROTES.
